” البابا صار أعمى ما بيقشع وأنا استلمت محلو بدي اشتغل وأمّن مصروف البيت” - Lebanon news - أخبار لبنان

” البابا صار أعمى ما بيقشع وأنا استلمت محلو بدي اشتغل وأمّن مصروف البيت”

” البابا صار أعمى ما بيقشع وأنا استلمت محلو بدي اشتغل وأمّن مصروف البيت”
كل مرة بطلع فيها ع ضيعتنا “القريات” – عكار، بشتري موز من هالمحل الزغير بمنطقة دير عمار بالشمال، ودايماً باخد “أبو نقطة” لانو بكون ناضج أكتر وأطيب من غيرو… مرقت اليوم ولقيت هالشب الزغير سألتو عن صاحب المحل قلي: “البابا ما قادر يشتغل قاعد بالبيت”.

قلتلو:”خير انشالله شو صاير معو؟”

قلي:” البابا صار أعمى ما بيقشع وأنا استلمت محلو بدي اشتغل وأمّن مصروف البيت”

أكيد زعلت كتير عالبي وفرحت بهالشب الحلو البعدو كتير زغير ع شقى هالدني، لكن ما خضع للظروف القاسية استلم محل بيو واتحمّل مسؤولية البيت.

شجعتو وديت معو سلام لبيو وطلبت منو هالصورة… هالشب إسمو فراس زريقة من دير عمار كلو حياة وبيحب الحياة (مطوّل شغرو) وبيستاهل الحياة…

أخدت منو كيس الموز وطلعت بالسيارة أنا وعم قول بيني وبين حالي:”الدني بعدها بألف خير” لحقني عالسيارة وضيّفني موزة مع بسمة رضى وعيون بتشع أمل وفرح ورجا…

 

p kemel kemel

p kemel kemel

 

leave a reply

*

code