فيديو جنسي لفتاة لبنانية ورسالة عاجلة لا بل أكثر…الرجاء القراءة جيداً - Lebanon news - أخبار لبنان

فيديو جنسي لفتاة لبنانية ورسالة عاجلة لا بل أكثر…الرجاء القراءة جيداً

فيديو جنسي لفتاة لبنانية ورسالة عاجلة لا بل أكثر…الرجاء القراءة جيداً

لبنان/أليتيا(aleteia.org/ar)هيك لنحكي باللبناني لينفهم علينا،

بغضّ النظر عن خلفيات الموضوع، بغض النظر اذا البنت غلّطت، ومتل ما بيقول البابا فرنسيس “مين أنا لحاكم”، وربنا قال “من منكم بلا خطيئة فليرجمها بحجر”.

عيب نشهّر بإنسان بغض النظر عن مدى خطيئتو، أو افعالو، وببلد في قانون وبيحترم ذاتو، كل انسان بياخذ جزاءو.

الشاب لي نشر الفيلم، ارتكب جريمة معنوية بحق هل فتاة، ويمكن هيي أخطئت كمان، بس ما بدنا ندخل بخفايا القضية وليش صار هيك.

عيب يتم تداول فيديو لبنت شو ما كانت الاسباب، اعتبروها اختكم، واحترموا اعراض الناس.

البنت لي بتحب الخلاعة بتحترموها ويتعملوها ايقونة على مواقع التواصل، أما لي ارتكبت خطيّة، مش شاطرين إلّا نشهّر فيها.

دعوة لوزير الاعلام بلبنان والجمعيات النسائية الى التحرك فوراً لمنع انتشار هل فيلم على مواقع خلاعية عالمية، لو قد ما كلّف من مال.

هيدي البنت بنتنا، بنت مجتمعنا، لي صار معها رسالة للجميع، وعبرة للجميع، ممكن يصير مع اي بنت غلّطت وخطيت، بس مش بهل طريقة منتعامل معها.

لهل بنت من قول، كوني قوية، ما تخافي، يسوع حمي الزانية، يسوع حمي المجدلية، وهيدي دعوة لتوبتك، وما تستحي.

في سياسيين عم يسرقوا، في ناس عم تبيع بلد مش بس جسدها ومنها مستحيي وما عم تتوب.

مش يعني الخطأ مقبول، بس نحنا من قلك انو رغم لي صار عودي للطريق الصحيح وواجهي مجتمعك بايمان انك رح تتغيري.

دعوة لبيها، منعرف انو قضايا الشرف بلبنان والكرامات قيمتها غالية، بس هيدي بنتك، اذا غلطت، سامحها، انت دورك تواجع العالم كرمال بنتك مش تستحي فيها.

ربنا يكون معِك رغم كل شي صار، ورجاء اوقفوا نشر الفيديو فوراً وكونوا حدها.

 

العودة الى الصفحة الرئيسية 

leave a reply