قصة حب - Lebanon news - أخبار لبنان

قصة حب

قصة حب

 

روما/ أليتيا (aleteia.org/ar) قصة حب

ع ابن آتان استقبلوا ملك الزمان

بالهوشعنا والنخيل وصوت الغلمان

 

بعلية عنيا مع تلاميذو تعشى

غسل وطهر ارجل الشجعان

 

وبعد آخر صلا لبيو السماوي بالبستان

ببوسة وكم درهم الإسخريوطي الجبان

سلمو لولاد الظلام مدعيي الإيمان

 

بيلاطس بمحكمة عدل الرومان

واجهك مع برأباس ملك الزعران

وتيرضي خاطر ولاد الشريعة

حكملك بالموت مع اللصوص عالصلبان

 

الشعب اللي شرعلك بوابو

رضيلك الذل والهوان

وبطرس اللي اتكلت ع كتافو

قبل صياح الديك فضل النكران

 

تركوك عالصليب وحيد وعريان

قلتلن أنا عطشان

اسفنجة مغطسة بالخل سقيوك

وعتيابك عملو قرعة الزمان

 

ع شمالك لص مش عرفان

انو رحمة الله لكل انسان

والتاني من عملتو خجلان

طلب الرحمة والغفران

 

صرخت لبيّك ليش النسيان

 

و الساعة خمسة بعد الضهر

بالهيكل انشقو الجدران

 

ابن الله ع الصليب سلم الروح

تيفدي ضعف الإنسان

وبعد كم ساعة الشيخ سمعان

بينقل ع المقبرة جسمك لكلو حنان

 

وتالت يوم عالمقبرة عجلوا النسوان

تيطيبوا جسمك الملفوف بالاكفان

و عالطريق تساءلوا

كيف يدحرجوا الحجر الحرزان

 

نسيوا انو ابن الله قام من ببن الأموات

هيدي هيي مسيرة حب

هيدا اساس الايمان

 

العودة إلى الصفحة الرئيسية

leave a reply