مظاهرة “مسيحية” ضد “مشروع ليلى” والحفل في جبيل وكاهن يعلّق - Lebanon news - أخبار لبنان

مظاهرة “مسيحية” ضد “مشروع ليلى” والحفل في جبيل وكاهن يعلّق

مظاهرة “مسيحية”  ضد “مشروع ليلى” والحفل في جبيل وكاهن يعلّق

نقلت صفحة “جبيل اليوم”  معلومات عن تحرّك شعبي سيقام يوم ٩ آب على مدخل ميناء جبيل الأثري، لمحاولة منع فرقة “مشروع ليلى” من تأدية برنامجها الفني ضمن إطار مهرجانات بيبلوس الدولية. وسبب التحرّك هو كما يقول القيّمون على التحرّك، الإهانات المتكرّرة التي تقوم بها الفرقة تجاه الإنجيل والشّعارات الدينيّة المسيحيّة.

امّا الخوري نسيم قسطون يكتب على فايسبوك:

 كتار بيعرفو هالفرقة وبيعرفو عن أفكارها…

وبيعرفو انها بتنادي بإشيا بتتناقض مع الفكر الديني…

بس كتار عم يطالبو بتوقيف العرض لهالأسباب…

بغض النظر عن أفكارهم بهالفرقة لازم نسأل حالنا سؤال: هل يا ترى بعدنا مقتنعين انو توقيف العروض بيحلّ المشكلة؟

ليش بيوتنا وعيوننا مش مشرّعة على أكتر من خلال النلفيزيون وخصوصي من خلال الانترنت وأكيد وسايل التواصل؟

فينا نمنع شب أو صبية يحضرو حفلة بالمباشر بس قادرين نلحق كل شب وصبية على الخليوي أو الكومبيوتر؟

واذا خايفين من أفكارهم… يا ترى عم نحكي نحنا ونتناقش بهالأفكار مع ولادنا وعيلنا حتى هني لوحدهم يكونوا قناعات؟

ببلد نص شبابو مهاجر… فيك تمنعو هون يحضر شي بس قادر بكرا بس يسافر تمنعو أو تلحقو عالدعسة؟

ولا مرّة كان الحلّ بالقمع… الحلّ الحقيقي بيبلّش وقتا بيكون النا جلادي نتناقش ونبحث بأفكار ولادنا لنوصل لقناعة بالقلب ومش بس بالشكل وبالظاهر…

ايمتا بدنا نبطّل نخاف نفكّر ونحاور… أو ما عنا يا ترى وقت؟!

leave a reply