“يا ولاد الله”… “ما تعلّق ع شمعة الشعنينة دبدوب وقرد وكلب” - Lebanon news - أخبار لبنان

“يا ولاد الله”… “ما تعلّق ع شمعة الشعنينة دبدوب وقرد وكلب”

“يا ولاد الله”… “ما تعلّق ع شمعة الشعنينة دبدوب وقرد وكلب”

لبنان/ أليتيا (aleteia.org/ar) كتب الاب طوني فريحه:

يا ولاد الله، يا إخوتي الأحبّا

بشرفكن… كرمال الله.. شو هالموضة هيدي؟

 

بترجاكن الشعنينة هيي دخول بسعف النخل وأغصان الزيتون مع يسوع اللي جايي على جحش.

ما كان بدو سبايدرمان يحميه ولا شوكولا تطعميه، وتعملو رقصة باليه ومباراة فوتبول ولا كلب يفتحلو الطريق.

كانوا الولاد عم يصرخوا هوشعنا للملك ويفرشوا تيابن عالأرض، مش تا تعمل مباراة مين تيابو أحلى!

 

ما تعلّق عا شمعة الشعنينة

دَبدوب وقرد وكلب

زيّن شمعتك بزيتونِة

ونخيل للملك الرَّبّ.

وما تنسى نور الرب يدخل على قلبك

تا تطلع معو على اورشليم

وتدخل معو مجد الصلب والموت والقيامة.

 

العودة إلى الصفحة الرئيسية

leave a reply