سما المصري توجه رسالة إلى تركي آل الشيخ بعد ما طلبه من السيسي - Lebanon news - أخبار لبنان
اخبار الرياضة

سما المصري توجه رسالة إلى تركي آل الشيخ بعد ما طلبه من السيسي

سما المصري توجه رسالة إلى تركي آل الشيخ بعد ما طلبه من السيسي

دبي، الإمارات العربية المتحدة (CNN)– وجَّهت الفنانة الاستعراضية المصرية، سما المصري، رسالة إلى المستشار تركي آل الشيخ، رئيس الهيئة العامة للرياضة السعودية، الذي انتقد أداء اتحاد الكرة المصري و”تفرغه للرد عليها”، في معرض مطالبته بتدخل الرئيس المصري عبدالفتاح السيسي والنظر فيما تشهده المسابقة الكروية من “ظلم تحكيمي”. قد يهمك| بعد لقاء بيراميدز والجونة.. تركي آل الشيخ يطالب السيسي بالتدخل: طفح الكيل وفي حسابها على موقع “إنستغرام”، كتبت المصري، الخميس: “رساله للشيخ تركي آل شيخ.. أنا اسمي سما المصري مش مها المصري…وأنت زعلان عشان اتحاد الكرة رد عليا وماردش عليك، وطالع تقول انهم بيردوا بس علي مها المصري”. وكانت المصري تقدمت بطلب إلى اتحاد الكرة المصري لشغل منصب مدير المنتخب الوطني، وهو الأمر الذي عرضه على مدير الاتحاد المهندس هاني أبوريدة، في خطوة أثارت الجدل وهو الأمر الذي اعتاد عليه الفنانة الاستعراضية بإثارتها موضوعات بعينها في البلاد. وقالت المصري في رسالتها إلى تركي آل الشيخ المكتوبة بلهجة مصرية عامية: “أولا الاتحاد رد عليا عشان قدمت طلب رسمي لهم، وثانيا عشان الرأي العام كله طلب منهم يردوا. حضرتك اتفضل قدم لهم طلب رسمي زي ما أنا عملت وهم هيردوا عليك علطول”. وتابعت: “عندنا في مصر محدش أحسن من حد، ومحدش بيسقع لحد ولابيطنش طلبات حد، ممكن أي مؤسسة في البلد تتأخر في الرد علي طلبات الناس لكن في الآخر بيردوا. مؤسسات مصر مؤسسات محترمة”. وواصلت: “اطلب من الاتحاد اللي أنت عايزه بطلب رسمي مش عبر شاشات التلفزيون وأوعدك هيردوا عليك، ولو ماردوش ابقى ابعته ليا وأنا أوصله ليهم وأوصيهم إنهم يردوا.. عندنا روتين وبطء صحيح في البلد كلها، بس في الآخر لك حق هتاخده زي أي واحد عايش في البلد دي عشان دي جمهورية مصر العربية”. وأضافت سما المصري: “مصر فقيرة أه بس عندنا دم وكرامة وما يصحش تتكلم عن مؤسسات مصر بالشكل ده، أنت ضيف علي راسنا من فوق تكرم عشان خاطر السعودية وأهلها الكرام، لكن ماتجرحش فينا عشان بتدعم وتستثمر في الرياضة”، داعية متابعيها إلى تداول وسم #ردوا_علي تركي_آل_شيخ “عشان الاتحاد يرد عليه زيي عشان ما يزعلش”. View this post on Instagram رساله للشيخ تركي ال شيخ…انا اسمي سما المصري مش مها المصري…وانت زعلان عشان اتحاد الكوره رد عليا وماردش عليك وطالع تقول انهم بيردوا بس علي مها المصري…اولا الاتحاد رد عليا عشان قدمت طلب رسمي ليهم وثانيا عشان الرأي العام كله طلب منهم يردوا .حضرتك اتفضل قدم لهم طلب رسمي ذي مالنا عملت وهم هيردوا عليك علطول…عندنا في مصر محدش احسن من حد ومحدش بيسقع لحد ولابيطنش طلبات حد ممكن اي مؤسسه في البلد تتأخر في الرد علي طلبات الناس لكن في الاخر بيردوا .موسسات مصر مؤسسات محترمه.اطلب من الاتحاد اللي انت عايزه بطلب رسمي مش عبر شاشات التلفزيون واوعدك هيردوا عليك ولو ماردوش ابقي ابعته ليا وانا أوصله ليهم واوصيهم انهم يردوا….عندنا روتين وبطء صحيح في البلد كلها بس في الاخر لك حق هتاخده ذي اي واحد عايش في البلد دي عشان دي(( جمهوريه مصر العربيه))….مصر فقيره اه بس عندنا دم وكرامه ومايصحش تتكلم عن مؤسسات مصر بالشكل دا انت ضيف علي راسنا من فوق تكرم عشان خاطر السعوديه واهلها الكرام لكن ماتجرحش فينا عشان بتدعم وتستثمر في الرياضه ياجماعه كله يدعم هاشتاج….#ردوا_علي تركي ال شيخ عشان الاتحاد يرد عليه ذيي عشان مايزعلش…الله يرحم الملك عبد الله والشيخ زايد الف رحمه عليهم كانوا عارفين قيمه مصر ومؤسساتها والمصريين كويس الله يرحمهم…. A post shared by سما المصري (@samaelmasrii) on Sep 12, 2018 at 6:15pm PDT وكان تركي آل الشيخ قد طالب السيسي، مساء الأربعاء، بالتدخل والنظر فيما يحدث بالدوري العام الممتاز لكرة القدم في مصر، وبصفة خاصة مع فريقه الذي امتكله مؤخرا تحت اسم نادي بيراميدز. وانتقد آل الشيخ “الظلم التحكيمي” الذي يتعرض له فريقه خلال مباريات الدوري العام في مصر، متحدثا في مداخلة هاتفية عبر قناة “بيراميدز” بعد لقاء ناديه مع منافسه الجونة وتعادلهما بهدف لكل فريق، ليطالب خلال كلامه بـ”العدالة التحكيمية” لجميع الفرق المصرية.

Leave a Reply