بقلب محبسة عنّايا وبكرسي الاعتراف… كلمتين غيّروا حياتها - Lebanon news - أخبار لبنان

بقلب محبسة عنّايا وبكرسي الاعتراف… كلمتين غيّروا حياتها

لبنان/أليتيا(aleteia.org/ar)طلعت مرا حلوة مزبطة حالا على محبسة القديسين بطرس وبولس مطرح لي تنسك مار شربل، كان في قداس بالمحبسة، قالت يلّا نقدّس، وكان صرلا سنين ما فاتت ع كنيسة.

هي وبالقداس، شافت الناس واقفي بصف الاعتراف، وحسّت أنّو ليش ما أنا كمان بفوت وبعترف، ما كانت حاضرة للقداس، معزومة ع غذا بالمنطقة، قالت بفوت بعترف وبتناول وبفل.

كتار من شعبنا صارت الطعلة على مار شربل بالنسبة الو زيارة سياحية، منخبر انو كنا مشوبين، قلنا منطلع على عنايا، شو حلوة المحبسة، والغيم فوق، نيالو شربل…رجعنا أكلنا وأرغلنا ونزلنا عل برود.

وهيك هيدي المرا كانت عم تعمل، بس في شي قلها فوتي عكرسي الاعتراف.

فاتت المرا وكان في راهب من رهبان الدير ناطر عكرسي الاعتراف ( مش مار شربل – هيك لنقطع الطريق على مفبركي الروايات والصور والفيديوهات)

وقالتلو أنا كتير مبسوطة اني اليوم هون، جيت قدّس، وصرلي زمان منّي مقدسة.

سألها الابونا، وشو يلّي شاغلك؟

قالتلو، يا بونا ظروف الحياة، والولاد، والشغل، كلّو فوق بعض.

قلها بضحكة، وقدّيش اخد من وقتك تزبطي شعراتك وظفيرك؟

سكتت المرا، وقالتلو، كل فترة قبل الظهر.

قلها ومستكتري قداس عربنا مرّة بالاسبوع؟

لي خبرتنا ياه هل ست بعدو محفور بذاكرتها، كلمتين بكرسي الاعتراف غيروا  حياتا.

وانت، بعدك بتقول: ما معي وقت لربنا؟

 

العودة الى الصفحة الرئيسية 

leave a reply